Im Figgloch von de Schützekönischin - Sexgeschichten

Im Figgloch von de Schützekönischin

So. Ei, da war halt die Sach mitm Schützefest. Des war ja scho eh net so de Honisch, weil Algohol un Schusswaffe, des gibt halt ka guude Mischung net. Abbä mei Mann, de Hebbätt, un dem sei Kumbls ausm Schützeveroi, die lasse sisch ja von so ebbes net beoidrugge, un da habbe se halt glei noch e Grillfest draus gemachd. Abbä isch hätt mer ja aach net gedachd, dess die Fraue am End des ganze uffmische würde. Weil, miä mache bei dem ganze Geballä ja eischendlisch gar net mit, mer sin da nur die Schdadisde, zum guud aussehe und Äbbler bringe. Un des habbe mer dann aach gemachd. Isch hab misch exdra in mein Drachdegosdüm neigeknörd, was ned ganz aafach war. Mei Obberweit hadd nämlisch die letzte Jahrn ziemlisch gelidde, dadefür hab isch e bissi Hüftgold angeleschd, un so hab isch am End eher ausgesehe, wie e zugeschnürd Wörschdsche. Na, em Hebbätt isses aach egal, deä guggd eh nemmer nach de Fraue. Dem sein Kumbl, de Kall, is a noch anners druff. Jedenfalls hatt des dem sei Fraa, die Anidda, gedachd, weiler angeblisch nach de Schdeffi gegiert hätt. Die Schdeffi, des is nämlisch so e jung Schneggsche, die is da aach aktiv in dem Veroi, un bei all dene Männä schdischd se nadürlisch raus, vor allem bei dene zwaa digge Dingä, die se da hänge hadd. Un die Anidda hadd des in de falsche Hals gekrischd, un als isch geschnaggld hab, was abgehd, da wars aach scho zu schpät. „Lass dei Fingä wegg von meim Typ," hatt se die Schdeffi auf aamol angebumbt, un die hat dere dann noch irschendwas ...

 Fresches zurügg gebbe, unn scho hadde se sisch in de Haarn. Unn zwar rischdisch in de Haarn, mit Kratze, Beisse, Haarn ausreisse unn em ganze Programm. Isch bin dann dazwische gange und habb se vonenannä gezerrd. De Kall hadd sisch die Anidda gekralld un is miter ab gewetzt, unn isch hadd aufemal die Schdeffi bei miä, mitem blaue Aach, zerzausde Haarn unn e dick Lipp. Unn weil von unserne Herrschaffde nadürlisch kaaner mehr fahrtüschdisch war, hab isch se erst emal haam gefahrn. Die wohnd aach ned weit weg, grad im nächsde Doff, un war aach ganz froh, dasse net selbst fahrn hat müsse. Isch bin dann noch miter in de Wohnung gegange, um se erst emal zu verarzte, un obwohl se zuersd abgewehrt hat, war se am End doch dangbar, dass isch misch um se gekümmerd hab. „Was e Geschiss," sachd se schließlisch. „Da machd die so en Uffriss fer nix und widdä nix. Als ob isch was mit denne Källe wolld." Isch hab mit de Schuldä gezuggd unn ihr en kaale Waschlabbe uffs Aach gedrüggd. „Die is hald eifersüschdisch," hab isch nuä gemeind, weils ja aach so is. Die Anidda dengd, dess jeddä hinnä ihrm Käll her is. Dabei is deä gar ned so besonners, unn sie aach ned. Naja, isch brauch da ja nix zu saache, mit meim Typ isses ja aach ned weid her. „Unn du weissd ja, wie se sinn, die Källä," sach isch noch, obwohl isch aach selbst ned so genau waaß, wie se so sinn. Da lachdse, die Schdeffi, unn guggd misch ganz bleed an. „Ei, isch schdeh abbä doch gar ned auf Källä," meind se nur kischernd. Des hadd misch ...